ОСК Динара Шүкіжанованың орнына мәжілістің жаңа депутатын тіркеді

Мәжіліс депутатының бос тұрған мандаты Respublica партиясының мүшесі Айтуар Қошмамбетовке берілді. Бұл туралы KAZ.NUR.KZ ОСК ресми сайтына сілтеме жасап хабарлады.

12 ақпанда Нұрлан Әбдіровтің төрағалығымен Қазақстан Республикасы Орталық сайлау комиссиясының отырысы өтіп, онда мәжіліс депутаты А.А.Қошмамбетовты тіркеу туралы қаулы қабылданды.

"Қазақстан Республикасындағы сайлау туралы 1995 жылғы 28 қыркүйектегі Қазақстан Республикасы Конституциялық заңының 12, 45, 46-баптарына, 97-1-бабының 6-тармағына, 98-бабына сәйкес және "Respublica" партиясы" қоғамдық бірлестігінің Орталық кеңесінің 2024 жылғы 7 ақпандағы № 5 хаттамадан үзінді көшірмеге сәйкес Қазақстан Республикасының Орталық сайлау комиссиясы қаулы етті:

1. Қазақстан Республикасы парламенті мәжілісі депутатының бос мандаты "Respublica" партиясы" қоғамдық бірлестігінің мүшесі Айтуар Асқарұлы Қошмамбетовке берілсін.

2. Айтуар Асқарұлы Қошмамбетов Қазақстан Республикасы парламенті мәжілісінің депутаты болып тіркелсін.

3. Айтуар Асқарұлы Қошмамбетовке белгіленген үлгідегі тиісті куәлік пен омырауға тағатын белгі тапсырылсын", - делінген қаулыда

Мәтіннен қате тапсаңыз, бізге жазыңыз