Цифрлық даму министрі жаңа министрліктің қашан және қалай құрылатынын айтты
Опубликовано:
Читать на русском
Цифрлық даму министрі Жаслан Мәдиев үкімет отырысында президент жолдауында айтылған Жасанды интеллект министрлігі туралы пікір білдірді, деп хабарлайды KAZ.NUR.KZ тілшісі.
Мәдиев жаңа ведомство Цифрлық даму және аэроғарыш министрлігі негізінде құрылатынын атап өтті.
"Инновациялық саясат жөніндегі функциялар Ғылым және жоғары білім министрлігіне беріледі. Қаулы жобасы әзірленіп, мемлекеттік органдармен келісіліп жатыр", - деді ол.
Министр сонымен қатар парламент мәжілісі Цифрлық кодексті жұмысқа қабылдағанын атап өтті. Ол мәжіліс жанынан құрылған Құзырет орталығының базасында пысықталып жатыр.
Еске сала кетейік, Қазақстанда Жасанды интеллект және цифрлық даму министрлігі құрылады. Бұл туралы президент Қасым-Жомарт Тоқаев Қазақстан халқына жолдауында айтты.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/kazakhstan/2284144-tsifrlyq-damu-ministri-zhanga-ministrlikting-qashan-zhane-qalai-qurylatynyn-aitty/