Тоқаев БҰҰ Бас Ассамблеясының мерейтойлық сессиясында сөз сөйлейді

Ертең, 23 қыркүйекте Қасым-Жомарт Тоқаев БҰҰ Бас Ассамблеясының 80-мерейтойлық сессиясының жалпы дебатының ашылу шарасына қатысады. Бұл туралы Ақордаға сілтеме жасаған KAZ.NUR.KZ хабарлайды.

Президент баспасөз қызметінің ақпаратына сәйкес, 80-мерейтойлық сессияның пленарлық отырысын БҰҰ Бас Ассамблеясының төрағасы Анналена Бербок ашады.

"Қасым-Жомарт Тоқаев шамамен Нью-Йорк уақыты бойынша сағат 13:00-ден 14:00 аралығында (Астана уақыты бойынша 22:00-23:00) сөз алады деп жоспарланған", - делінген хабарламада.

Айта кетейік, Қазақстан президенті ТМД елдері көшбасшылары арасында бірінші болып сөз сөйлейді.

Мәтіннен қате тапсаңыз, бізге жазыңыз