Мемлекет басшысы АҚШ-тағы сапары барысында Дональд Трамппен сөйлесті

Нью-Йорк қаласына сапары барысында мемлекет басшысы Қасым-Жомарт Тоқаев АҚШ президенті Дональд Трамппен сөйлесті. Бұл туралы Ақорданың баспасөз қызметі хабарлады.

Әңгімелесу барысында Қазақстан мен Америка Құрама Штаттары арасындағы екіжақты ынтымақтастықтың перспективті бағыттарына ерекше назар аударылды.

Дональд Трамп экономика және сауда салаларындағы ықпалдастықты кеңейтудің маңызды екенін атап өтті. Сондай-ақ президенттер халықаралық ахуалға қатысты өзекті мәселелерді талқылады. 

Айта кетейік, бұған дейін Қасым-Жомарт Тоқаевтың Нью-Йорктегі сапары барысында бірқатар әлемдік компанияның басшыларымен кездесіп, келіссөздер жүргізгенін хабарлаған болатынбыз.

Мәтіннен қате тапсаңыз, бізге жазыңыз