Қазақстанда әртістерге телевизиялық шоулардан басқа жерде фонограммамен ән айтуға тыйым салынуы мүмкін

Қазақстандық әртістер тек телебағдарламаға түсу кезінде ғана фонограммамен өнер көрсете алады, деп хабарлайды сенат аппаратының жетекшісі Максим Споткайға сілтеме жасаған KAZ.NUR.KZ.

Максим Споткайдың Telegram желісіндегі жазбасына сүйенсек, сенат мәдениет, білім, отбасы және мемлекеттік бақылау туралы заңға түзетулер енгізген. Нақтырақ айтқанда, 200 және одан да көп көрермені бар концерттерде вокалдық фонограммаларды пайдалануға тыйым салу туралы норма нақтыланды.

"Дауыстық (вокалдық) фонограммаларды тек телевизиялық контент жасау кезінде және концерттер өткізуге келмейтін жерлерде пайдалануға рұқсат етіледі.

Көрерменді дауыстық (вокалдық) фонограмманы пайдаланатыны туралы хабардар ету міндеті бекітілді, шығармаларды бұқаралық ақпарат құралдарында және онлайн платформаларда пайдалану кезінде автордың аты-жөнін көрсету талаптары нақтыланды", - делінген хабарламада.

Нәтижесінде заң қайта қарау үшін мәжіліске қайтарылды.

Мәтіннен қате тапсаңыз, бізге жазыңыз