"20 млн теңгеден сәл асады": Энергетика министрі табысын жария етті

Энергетика министрі Ерлан Ақкенженов мәжіліс кулуарында бұған дейін тапсырған табыс декларациясында қандай соманы көрсеткенін айтты, деп хабарлайды KAZ.NUR.KZ тілшісі.

Брифингте журналист Ерлан Ақкенженовтен бұған дейін тапсырған табыс декларациясын егжей-тегжей айтып беруін өтінді. Министр жалақысынан басқа қосымша табысы жоқ екенін мәлімдеді.

Журналист министрдің декларацияда көрсеткен табысын өзі айтқан сомасымен салыстырғысы келіп, табыс мөлшерін нақтылап атап өтуін сұрады.

"Тек жалақы туралы айтатын болсақ, онда айына шамамен 1 млн 200 теңге", - деп жауап берді Ақкенженов.

Журналист министрден сыйлықақы алған-алмағанын сұрап, одан декларацияда көрсетілген нақты соманы айтуды сұрады.

"Бізде сыйлықақы төлемдері бар, олардың барлығы көрсетілген. 20 млн теңгеден сәл асады", - деді Ерлан Ақкенженов жылдық табысы туралы. Айтуынша, бұл сомаға тек жалақылары мен сыйлықақысы кіреді.

Мәтіннен қате тапсаңыз, бізге жазыңыз