"11 бөлімнен және 95 баптан тұрады": Қазақстанның жаңа Конституциясының бірінші жобасы дайындалды

Конституциялық комиссия Қазақстанның жаңа Конституциясының бірінші жобасын дайындады, деп хабарлайды Конституциялық сотқа сілтеме жасаған KAZ.NUR.KZ.

Қазақстанның жаңа Конституциясының бірінші жобасы Конституциялық реформа жөніндегі комиссияның кезекті отырысында қаралды.

Оны дайындау кезінде соңғы 6 айда келіп түскен азаматтардың, қоғамдық ұйымдар, саяси партиялар мен сарапшылардың ұсыныстары, сондай-ақ комиссия мүшелерінің пікірлері, ескертулері мен ұсынымдары ескерілген.

Конституциялық сот төрағасының орынбасары Бақыт Нұрмұхановтың айтуынша, жаңа Конституция кіріспеден, 11 бөлімнен және 95 баптан тұрады.

"Конституцияның Преамбуласы толығымен жаңарды. Онда еліміздің өткенін дәріптейтін, бүгіні мен болашағына бағдар болатын жалпыұлттық құндылықтар көрініс тапты", - деді ол.

Бақыт Нұрмұханов адами капиталды, білім беруді, ғылым мен инновацияны дамыту мемлекет қызметінің стратегиялық бағыты ретінде танылғанын атап өтті.

"Бұл жаңашылдықтар жан-жақты талқыланып, баршаның қолдануына ие болды", - деді Конституциялық сот төрағасының орынбасары.

Мәтіннен қате тапсаңыз, бізге жазыңыз