Жаңа Конституция жобасы: қандай жағдайда қазақстандықтар азаматтығынан айырылады

Қазақстанның жаңа Конституциясының жобасында қандай жағдайда қазақстандықтар азаматтығынан айырылатыны көрсетілген, деп хабарлайды KAZ.NUR.KZ.

Жаңа Конституциясының жобасында Қазақстан Республикасының азаматтығы заңға сәйкес берілетіні және тоқтатылатыны, ол берілген негізіне қарамастан бiрыңғай және тең екені жазылған.

"Қазақстан Республикасының азаматын өз азаматтығынан айыруға, азаматтығын өзгерту құқығынан айыруға, сондай-ақ Қазақстаннан тыс жерге аластатуға болмайды.

Азаматтықтан айыруға террористік қылмыс жасағаны, сондай-ақ Қазақстан Республикасының ұлттық мүдделеріне өзге де ауыр зиян келтіргені үшін сот шешімімен ғана жол беріледі", - делінген құжатта.

Сондай-ақ Қазақстан Республикасының азаматында қос немесе көп азаматтығы болуына жол берілмейді. Өзге ел азаматтығының болуы Қазақстан Республикасының азаматтығын тоқтатуға негіз болады.

Мәтіннен қате тапсаңыз, бізге жазыңыз