Жаңа Конституция қабылданған күн мемлекеттік мереке деп жарияланады
Опубликовано:
Читать на русском
Жаңа Конституция қабылданған күн мемлекеттік мереке саналады. Бұл туралы Жаңа Конституцияның қорытынды жобасында айтылған, деп хабарлайды KAZ.NUR.KZ.
Аталған ереже Жаңа Конституция жобасының "Қорытынды және өтпелі ережелер" деп аталатын XI бөлімінде жазылған.
"Республикалық референдумда қабылданған Қазақстан Республикасының Конституциясы 2026 жылғы 1 шілдеден бастап күшіне енеді, бұған дейін қабылданған Қазақстан Республикасы Конституциясының қолданысы сол мезгілден бастап тоқтатылады.
Республикалық референдумда Конституция қабылданған күн мемлекеттік мереке – Қазақстан Республикасының Конституциясы күні деп жарияланады", - делінген 94 бапта.
Естеріңізге сала кетейік, бүгін республикалық референдумға шығарылатын Жаңа Конституцияның жобасы жарияланды. Оның мәтінімен мына жерден таныса аласыз.
Жаңа Конституцияны қабылдау үшін жалпыхалықтық референдум 15 наурызда өтеді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/kazakhstan/2342638-zhanga-konstitutsiia-qabyldangan-kun-memlekettik-mereke-dep-zhariialanady/