Республикалық референдум: 6 млн-нан астам адам дауыс берді

Қазақстанда жаңа Конституция жобасы бойынша өтіп жатқан республикалық референдумда сағат 14:00-ге дейін дауыс берген азаматтардың саны белгілі болды, деп хабарлайды Орталық референдум комиссиясына сілтеме жасаған KAZ.NUR.KZ.

Орталық референдум комиссиясының мәліметінше, жалпы сағат 14.00-дегі жағдай бойынша республиканың 6 471 378 азаматы бюллетень алған. Ол тізімге енгізілген азаматтардың – 51,93 пайызы.

"Республикалық референдум туралы" Қазақстан Республикасының Конституциялық заңының 31-бабы 2 тармағына сәйкес егер референдумға қатысу құқығы бар азаматтардың жартысынан көбі дауыс беруге қатысқан болса, референдум өткізілген деп саналады", - делінген хабарламада.

Облыстардың, республикалық маңызы бар қалалардың және астананың аумақтық комиссиялары ұсынған деректеріне сәйкес сағат 14.00-дегі жағдай бойынша өңірлерде дауыс беруге келген азаматтар саны:

• Абай облысы – 61,04 пайыз;
• Ақмола облысы – 60,05 пайыз;
• Ақтөбе облысы 61,37 – пайыз;
• Алматы облысы 56,13 – пайыз;
• Атырау облысы 56,54 – пайыз;
• Батыс Қазақстан облысы 49,97 – пайыз;
• Жамбыл облысы 51,13 – пайыз;
• Жетісу облысы 59,82 – пайыз;
• Қарағанды облысы 57,32 – пайыз;
• Қостанай облысы 56,51 – пайыз;
• Қызылорда облысы 64,63 – пайыз;
• Маңғыстау облысы 53,14 – пайыз;
• Павлодар облысы 53,31 – пайыз;
• Солтүстік Қазақстан облысы 52,37 – пайыз;
• Түркістан облысы 58,03 – пайыз;
• Ұлытау облысы 52,06 – пайыз;
• Шығыс Қазақстан облысы 59,60 – пайыз;
• Астана қаласы 40,68 – пайыз;
• Алматы қаласы 21,68 – пайыз;
• Шымкент қаласы 58,24 – пайыз;

Азаматтардың дауыс беру учаскелеріне келу туралы келесі ақпарат 16.00-де жарияланады.

Мәтіннен қате тапсаңыз, бізге жазыңыз