Қазақстандағы референдум аяқталды: азаматтардың келуінің алдын ала қорытындысы жарияланды

Жаңа Конституция бойынша референдумға қазақстандықтардың келуінің алдын ала қорытындылары жарияланды, деп хабарлайды KAZ.NUR.KZ.

Орталық референдум комиссиясы Қазақстандағы барлық референдум учаскесінде дауыс беру аяқталғанын хабарлады. Учаскелік комиссиялар дауыстарды санауға кірісті. Қолданыстағы заңдар нормаларына сәйкес референдум учаскелерiнде дауыстарды санау уақыты дауыстарды санау басталған сәттен бастап, он екі сағаттан аспауға тиiс.

Аумақтық комиссиялар Орталық референдум комиссиясына электрондық байланыс арналары арқылы дауыс беру мен есептеудің алдын ала нәтижелері туралы мәліметтерді ұсынады.

Орталық референдум комиссиясы мәліметіне сәйкес, сағат 20.00-дегі жағдай бойынша өңірлердегі азаматтардың келу көрсеткіші мынадай:

• Абай облысы 75,45 %
• Ақмола облысы 79,82 %
• Ақтөбе облысы 87,05 %
• Алматы облысы 71,46 %
• Атырау облысы 74,04 %
• Батыс Қазақстан облысы 68,94 %
• Жамбыл облысы 85,06 %
• Жетісу облысы 78,49 %
• Қарағанды облысы 84,30 %
• Қостанай облысы 81,21 %
• Қызылорда облысы 93,04 %
• Маңғыстау облысы 77,89 %
• Павлодар облысы 75,51 %
• Солтүстік Қазақстан облысы 70,52 %
• Түркістан облысы 84,03 %
• Ұлытау облысы 73,15 %
• Шығыс Қазақстан облысы 86,42 %
• Астана қаласы 60,36 %
• Алматы қаласы 33,43 %
• Шымкент қаласы 75,82 %

"Сағат 20.00-дегі жағдай бойынша 9 126 850 азаматы бюллетень алды. Ол тізімге енгізілген азаматтардың 73,24 пайызын құрады.

Референдумның алдын ала қорытындылары арнайы хабарланатын болады. Оның уақыты қосымша хабарланады", - делінген ресми хабарламада.

Деректер облыстардың, республикалық маңызы бар қалалардың және Астананың аумақтық комиссиялары ұсынған мәлімет негізінде ұсынылып отыр.

Мәтіннен қате тапсаңыз, бізге жазыңыз