Назарбаев Путинге өз атынан орден табыстады (фото)

Нұрсұлтан Назарбаев Ресей президенті Владимир Путинмен кездесті деп хабарлайды Тұңғыш президенттің баспасөз қызметіне сілтеме жасаған

KAZ.NUR.KZ.

Ресей Федерациясының басшысымен кездескен Қазақстанның Тұңғыш президенті Нұрсұлтан Назарбаев Еуразиялық экономикалық одақтың қазіргі нәтижелері мен әрі қарайғы даму перспективаларын атап өтті.

Кездесу барысында Елбасы Владимир Путинге «Қазақстан Республикасының Тұңғыш Президенті – Елбасы Нұрсұлтан Назарбаев» орденін табыстады.

"Бес жыл бұрын, Сіз және Александр Лукашенко үшеуміз осы одақты құрдық. Біз жүзеге асырған бұл идея менің тарапымнан 25 жыл бұрын ММУ қабырғасында ұсынылған болатын. Қиын уақыттарға қарамастан, арамыздағы өзара сауда өсіп келеді. Бірлескен кәсіпорындардың саны артуда.  Еуразиялық экономикалық одақ ЕО, ШЫҰ, АСЕАН және басқа да ұйымдармен интеграция жолымен жүруі тиіс деп есептеймін. Бізге осы жөнінде жұмыс істеу керек", – деді Нұрсұлтан Назарбаев.

Владимир Путин марапат үшін Елбасына алғыс айтты және жан-жақты диалогтың әрі қарай нығая беретініне сенім білдірді.

"Марапатыңыз үшін және интеграция ісінде, екі жақты қарым-қатынастарда, Ресей мен Қазақстанның өзара стратегиялық іс-қимылын дамытуда атқарылған жұмыстар үшін алғыс айтқым келеді. Бұл ретте Сіздің зор еңбегіңіз бар, – деді Владимир Путин. 

Мәтіннен қате тапсаңыз, бізге жазыңыз