Қазақстан мен Вьетнам арасындағы визасыз режим қашан күшіне енеді: СІМ жауап берді

Бүгін Қазақстан Республикасы Сыртқы істер министрлігінің ресми өкілі Айбек Смадияров ведомствода өткен брифингте Қазақстан мен Вьетнам арасындағы визасыз режимнің шарттары туралы баяндады. Бұл туралы KAZ.NUR.KZ хабарлайды.

"Қазақстан Республикасының үкіметі мен Вьетнам Социалистік Республикасының билігі арасындағы ұлттық төлқұжат иелерін визалық талаптардан босату туралы 2023 жылғы 21 тамызда Ханой қаласында қол қойылған келісімшарт 2024 жылғы 25 мамырда күшіне енеді", - деді Айбек Смадияров.

Бұл келісімшарт бойынша екі елдің азаматтары мен ұлттық төлқұжат иелері үшін визалық талаптар жойылмақ.

Осылайша азаматтар елге келген күннен бастап 30 күнтізбелік күн, 6 айдың әрбір кезеңінде ел аумағында бас-аяғы 90 күнтізбелік күн бола алады.

Мәтіннен қате тапсаңыз, бізге жазыңыз