Украинаға әскери қолдау көрсетуге қарсы шыққан Венгрия премьер-министрі Виктор Орбан Киевке барды

Бүгін, 2 шілдеде таңертең Венгрия премьер-министрі Виктор Орбан Украина астанасына соғыс басталғаннан бері алғаш рет ел президенті Владимир Зеленскиймен кездесуге барды.

РИА Новости агенттігі мәліметінше, Венгрия премьер-министрі қарізгі уақытта Украина астанасында.

"ЕО Кеңесіне төрағалық ететін Венгрияның премьер-министрі Виктор Орбан сейсенбі күні таңертең Киевке барды, онда Украина президенті Владимир Зеленскиймен келіссөздер жүргізеді", - деді Орбанның баспасөз хатшысы Берталан Хаваши.

Венгриялық БАҚ-қа сілтеме жасаған РБК-Украина басылымының ақпараты бойынша, тараптар "бейбітшілік орнату мүмкіндігін", сондай-ақ венгр-украин екіжақты қарым-қатынастарының өзекті мәселелерін талқылайды.

Басылым авторлары Венгрия Украинаға әскери қолдау көрсету қажеттігіне бірнеше рет күмән келтіріп, атысты тоқтатуға шақырған, деп жазды

Айта кетейік, бұл – Венгрия премьер-министрінің соғыс қимылдары басталғаннан бері көршілес Украинаға алғашқы сапары.

Мәтіннен қате тапсаңыз, бізге жазыңыз