Тоқаев Самарқандта Еуропалық Кеңес президентімен кездесті

Президент Қасым-Жомарт Тоқаев бүгін Самарқандқа барды, онда Еуропа Одағы өкілдерімен бірқатар кездесу жоспарланған, деп хабарлайды Ақордаға сілтеме жасаған KAZ.NUR.KZ.

"Орталық Азия – Еуропа Одағы" саммитіне қатысу үшін Самарқанд қаласына барған Қасым-Жомарт Тоқаев алдымен Еуропалық Кеңес президенті Антониу Коштамен кездесті.

Еуропа Одағы – Қазақстанның ірі сауда серіктесі әрі шетелдік инвесторы:

• шетелден тартылған тікелей инвестицияның 40%-дан астамы ЕО-ға тиесілі;
• 2024 жылы Қазақстан мен Еуропа Одағына мүше елдердің тауар айналымы 50 млрд долларға жуықтады (ЕО мен ОА арасындағы сауда көлемінің 80%-ы).

Президенттер:

• экономиканың түрлі секторларындағы көпжоспарлы ынтымақтастықты одан әрі нығайту мәселелерін қарастырды;
• өзара сенімге, стратегиялық мүддеге және ұзақмерзімді перспективаға негізделген Қазақстан мен Еуропалық Кеңес арасындағы серіктестікті қарқынды дамытудың маңызын атады.

Тоқаев сондай-ақ Еуропалық комиссия президенті Урсула фон дер Ляйенмен кездесу өткізеді.