Тоқаев Қырғызстандағы үркіншілік құрбандарына арналған ескерткішке гүл шоғын қойды (фото, видео)

Президент Қасым-Жомарт Тоқаевтың Қырғыз Республикасына ресми сапары "Ата бейіт" ұлттық тарихи-мемориалдық кешеніне зиярат етуден басталды. Бұл туралы Ақордаға сілтеме жасаған KAZ.NUR.KZ хабарлайды.

Президенттің баспасөз қызметінің мәліметінше, тарихи-мемориалдық кешенде Отанына әр кезеңде қалтқысыз қызмет еткен қырғыз халқының даңқты перзенттері, сталиндік репрессия құрбандары жерленген.

Кешенге "Ата бейіт" атауын жазушы Шыңғыс Айтматов ұсынған.

Мемлекет басшысы мемориалдық кешен аумағындағы 1916 жылғы үркіншілік құрбандарына арналған ескерткішке гүл шоғын қойған.

Посмотреть эту публикацию в Instagram

Публикация от Aqorda (@akordapress)

Айта кетейік, кеше Қасым-Жомарт Тоқаев Қырғыз Республикасына ресми сапармен барды.

Мемлекет басшысын Манас халықаралық әуежайында Қырғызстан президенті Садыр Жапаров қарсы алды.

Бүгін президенттер келіссөз жүргізіп, Қазақстан мен Қырғызстанның Жоғары мемлекетаралық кеңесінің жетінші отырысына қатысады.

Мәтіннен қате тапсаңыз, бізге жазыңыз