Тоқаев Нью-Йоркте БҰҰ Бас хатшысымен кездесті (фото)

Мемлекет басшысы Қасым-Жомарт Тоқаев Нью-Йоркте БҰҰ Бас хатшысы Антониу Гутерришпен кездесті, деп хабарлайды Ақордаға сілтеме жасаған KAZ.NUR.KZ.

Ақорда мәліметінше, Қазақстан президенті мен Бас хатшы Антониу Гутерриш БҰҰ Бас Ассамблеясы сессиясының күн тәртібін талқылады.

️Қасым-Жомарт Тоқаев Қазақстан Ұйымға алдағы уақытта да қолдау көрсетіп, оның бейбітшілік пен тұрақтылықты нығайту, орнықты даму ісінде жетекші рөл атқара беруіне белсенді түрде атсалысатынын айтты.

️Кездесу аясында мемлекет басшысының және Бас хатшының қатысуымен Алматыдағы Орталық Азия мен Ауғанстан үшін БҰҰ-ның Орнықты даму мақсаттары жөніндегі Өңірлік орталығының қызметі туралы меморандумға қол қойылды.

Мәтіннен қате тапсаңыз, бізге жазыңыз