Тоқаев АҚШ-та Франция президенті Эмманюэль Макронмен кездесті

Президент Қасым-Жомарт Тоқаев АҚШ-қа сапары барысында Франция президенті Эмманюэль Макронмен кездесті, деп хабарлайды Ақордаға сілтеме жасаған KAZ.NUR.KZ.

А️қорда ұсынған мәліметке сәйкес, Қасым-Жомарт Тоқаев Эмманюэль Макронмен екіжақты ынтымақтастықтың жай-күйін талқылады.

Тоқаев Франция еліміздің Еуропа Одағындағы басты әрі сенімді серіктесі саналатынын атап өтті.

️Президенттер осыған дейін жоғары деңгейде қол жеткізілген уағдаластықтар түрлі салада, соның ішінде энергетика, көлік-логистика, ауыл шаруашылығы, денсаулық сақтау бағыттарында айтарлықтай табысты іске асырылып жатқанына тоқталды.

️"Мәдени-гуманитарлық байланыстар жемісті дамып келеді. ️Қазақстан мен Франция президенттері өзекті геосаяси мәселелер жөнінде пікір алмасты", - делінген Ақорда хабарламасында.

Мәтіннен қате тапсаңыз, бізге жазыңыз