Тоқаев The Washington Post пен The New York Times басылымдарына сұхбат берді

Қазақстан президенті Қасым-Жомарт Тоқаев Америка Құрама Штаттарындағы танымал басылымдар – The Washington Post пен The New York Times-қа сұхбат берді, деп хабарлайды Ақордаға сілтеме жасаған KAZ.NUR.KZ.

Ақорданың хабарлауынша, Тоқаев The Washington Post және The New York Times секілді америкалық танымал басылымдарға сұхбатты АҚШ-қа сапары барысында берді.

Президент Қазақстан мен АҚШ арасындағы ынтымақтастыққа, Америкаға сапарының мәні мен маңызына, Дональд Трамп жүргізіп отырған саясатқа, әлемдегі геосаяси жағдайға, Украина төңірегіндегі ахуалға және басқа да мәселелерге қатысты ойын бөлісті.

Естеріңізге сала кетейік, Қазақстан президенті 6 қарашада Вашингтонға барды. Оны әуежайда АҚШ Мемлекеттік хатшысының орынбасары Кристофер Ландау күтіп алды.

Тоқаев АҚШ-та Вашингтонда өтетін С5+1 саммитіне қатысады. Ол бұған дейін Трампқа саммитке шақырғаны үшін алғыс айтқан.

Бүгін Мемлекет басшысы АҚШ Мемлекеттік хатшысы Марко Рубиомен және президент Дональд Трамп әкімшілігінің басқа да өкілдерімен кездесті.

Мәтіннен қате тапсаңыз, бізге жазыңыз