Путиннің баспасөз хатшысы ресейлік СУ-35 ұшақтары неліктен Тоқаев бортымен қапталдасып ұшқанын түсіндірді
Опубликовано:
Читать на русском
Кремль Қазақстан президентінің бортын Мәскеуге қарай неліктен ресейлік жойғыш СУ-35 ұшақтары алып жүргенін түсіндірді, деп хабарлайды KAZ.NUR.KZ РИА Новости-ге сілтеме жасап.
Ресей президентінің баспасөз хатшысы Дмитрий Песков Мәскеуге бағыт алған Қазақстан президенті ұшағын ресейлік жойғыш ұшақтардың алып жүруінің қауіпсіздік мәселесіне қатысы жоқ екенін түсіндірді, мемлекеттік сапар кезінде мұндай құрметті қарауыл қалыпты тәжірибе.
"Жоқ, бұл қауіпсіздікпен байланысты емес. Бұл сондай құрмет қарауылы, ол мемлекеттік сапармен байланысты. Бұл расында да тәжірибеде бар. Бұл әдеттегі тәжірибе", - деді Песков Тоқаевтың ұшағын неліктен ресейлік жойғыш ұшақтар алып жүргенін және қауіпсіздігіне қандай да бір қауіп төніп тұрған-тұрмағаны жөніндегі журналистердің сұрағына берген жауабында.
Еске сала кетейік, 11 қарашада президент Қасым-Жомарт Тоқаев Мәскеуге мемлекеттік сапармен барды. Мемлекет басшысының бортын шекарадан Ресей Қорғаныс министрлігінің Су-35 ұшақтары қарсы алды.
Мәтіннен қате тапсаңыз, бізге жазыңыз