Ташкентте бес елдің президенті бас қосты (фото)

Мемлекеттер басшылары Қасым-Жомарт Тоқаев, Шавкат Мирзиеев, Ильхам Әлиев, Садыр Жапаров және Эмомали Рахмон Ташкенттегі Ислам өркениеті орталығына барды, деп хабарлайды Ақордаға сілтеме жасаған KAZ.NUR.KZ.

Орталық Азия және Әзербайжан мемлекеттерінің басшылары Ислам өркениеті орталығына барды.

Президенттерге орталық ислам өркениетінің бір бөлшегі саналатын Өзбекстанның бай мәдени-рухани мұрасын терең зерттеу және насихаттау мақсатында құрылғаны жөнінде баяндалды.

Мұндағы ең басты жәдігер – Осман Құраны. Ал оның жан-жағында Құран сүрелерінің санына сәйкес 114 ежелгі кітап қойылады.

Сондай-ақ Тоқаев Орталық Азия елдерінің басшыларымен және Әзербайжан президентімен бірге "Келешек мұрасы" халықаралық сыйлығын тапсыру рәсіміне қатысты.

Өзбекстан президенті Шавкат Мирзиеевтің айтуынша, биыл тағайындаған бұл сыйлық дәстүрді жаңғыртуға, өнерді дамытуға, сондай-ақ ұлттық рухани мұраны насихаттауға елеулі үлес қосқан мәдениет қайраткерлеріне беріледі.

Қазақстаннан актер Еркебұлан Дайыров "Театр және кино" аталымы бойынша "Келешек мұрасы" сыйлығының лауреаты атанды.

Мәтіннен қате тапсаңыз, бізге жазыңыз