Тоқаевтың шақыруымен Астанаға Түрікменстан президенті Сердар Бердімұхамедов келеді
Опубликовано:
Читать на русском
Қасым-Жомарт Тоқаевтың шақыруымен Түрікменстан президенті Сердар Бердімұхамедов алдағы аптада мемлекеттік сапармен Астанаға келеді, деп хабарлайды Ақордаға сілтеме жасаған KAZ.NUR.KZ.
Қазақстан президентінің баспасөз қызметі ұсынған ақпаратқа сәйкес, Қасым-Жомарт Тоқаевтың шақыруымен 24-25 қараша күндері Астанаға Түрікменстан президенті Сердар Бердімұхамедов мемлекеттік сапармен келеді.
"Сапар аясында тараптар жоғары деңгейде келіссөздер жүргізіп, Қазақстан мен Түрікменстан арасындағы стратегиялық серіктестікті нығайту перспективасын талқылайды", - делінген Ақорданың ресми хабарламасында.
Еске салсақ, маусымда Түрікменстан президенті Қазақстанда өткен "Орталық Азия – Қытай" саммитіне қатысуға келген болатын.
Сондай-ақ мамырда Түрікменстан президенті Сердар Бердімұхамедов пен Қырғызстан президенті Садыр Жапаров "Орталық Азия – Италия" саммитіне қатысу үшін Астанаға келген еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/universe/2311837-toqaevtyng-shaqyruymen-astanaga-turikmenstan-prezidenti-serdar-berdimuhamedov-keledi/