Тоқаев Қазақстанға мемлекеттік сапармен келген Түрікменстан президентін әуежайдан қарсы алды (фото)

Қасым-Жомарт Тоқаев Қазақстанға мемлекеттік сапармен келген Түрікменстан президенті Сердар Бердімұхамедовті әуежайдан қарсы алды. Бұл туралы Ақордаға сілтеме жасаған KAZ.NUR.KZ хабарлайды.

Президенттің баспасөз қызметінің мәліметінше, Астана халықаралық әуежайында мәртебелі мейманның келуіне орай Құрмет қарауылы сап түзеген.

Естеріңізге сала кетейік, бұған дейін Қасым-Жомарт Тоқаевтың шақыруымен Астанаға мемлекеттік сапармен Түрікменстан президенті Сердар Бердімұхамедовтың келетінін жазған едік.

Сапар аясында тараптар жоғары деңгейде келіссөздер жүргізіп, Қазақстан мен Түрікменстан арасындағы стратегиялық серіктестікті нығайту перспективасын талқылайды.

Мәтіннен қате тапсаңыз, бізге жазыңыз