Тоқаев Бейбітшілік кеңесінің жарғысына қол қою үшін Давосқа келді
Опубликовано:
Мемлекет басшысы Қасым-Жомарт Тоқаев Давостағы Конгресс орталығына келді, деп хабарлайды Ақордаға сілтеме жасаған KAZ.NUR.KZ.
Санаулы сәттерден кейін мұнда АҚШ президенті Дональд Трамптың бастамасымен құрылған Бейбітшілік кеңесінің жарғысына қол қою рәсімі өтеді.
Естеріңізге сала кетейік, бұған дейін Қасым-Жомарт Тоқаев Дональд Трамптың шақыруымен аталмыш рәсімге қатысу үшін Давосқа жұмыс сапарымен баратынын жазған едік.
Кейінгі мәліметтер бойынша, Ақ үй басшысы Бейбітшілік кеңесіне 58 әлем көшбасшысын шақырған.
Сондай-ақ АҚШ президентінің мақсаты БҰҰ Қауіпсіздік Кеңесімен бәсекелесе алатын ірі халықаралық ұйым құру екені туралы ақпарат тарады.
Трамп Газа бойынша Бейбітшілік кеңесі құрылатынын былтыр желтоқсанда мәлімдеген болатын.
Жақында Дональд Трамп Қасым-Жомарт Тоқаевты Газа бойынша Бейбітшілік кеңесінің құрамына кіруге ресми шақырғанын, ал Қазақстанға құрылтайшы мемлекеттердің бірі болуды ұсынғаны белгілі болды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/universe/2334423-toqaev-davostagy-kongress-ortalygyna-keldi/