Тоқаевты Пәкістан премьер-министрінің резиденциясында қалай қарсы алды (фото)

Пәкістан премьер-министрінің резиденциясында мемлекеттік сапармен келген президент Қасым-Жомарт Тоқаевты ресми қарсы алу рәсімі өтті, деп хабарлайды Ақордаға сілтеме жасаған KAZ.NUR.KZ.

Мемлекет басшысын Пәкістан премьер-министрі Шахбаз Шариф күтіп алды.

Қазақстан президенті мен Пәкістан премьер-министрі суретке түскен соң екі елдің мемлекеттік әнұрандары орындалды. Содан кейін Құрмет қарауылының бастығы рапорт берді.

Қасым-Жомарт Тоқаев пен Шахбаз Шариф бір-біріне ресми делегация мүшелерін таныстырды.

Қарсы алу рәсімінен кейін Қазақстан президенті Пәкістан премьер-министрінің резиденциясы аумағында ағаш отырғызды.

Естеріңізге сала кетейік, кеше президент Қасым-Жомарт Тоқаев Пәкістан Ислам Республикасына мемлекеттік сапармен барды.

Мемлекет басшысын Исламабад әуежайында президент Асиф Али Зардари мен премьер-министр Шахбаз Шариф қарсы алды.

Мәтіннен қате тапсаңыз, бізге жазыңыз