Кеңес дәуіріндегі қазақтың ең сұлу актрисалары

Кеңес дәуіріндегі қазақ фильмдерінен қолаң шашты, қиғаш қасты қазақтың хас сұлуларын тамашалауға болады. Талайдың жүрегіне шоқ түсірген қазақтың ең сұлу актрисалары жайлы "Sputnik Қазақстан" хабарлайды.

Кеңестік актрисалар Совет Одағының құрамында болған кезеңде қазақ кино өнері үлкен даму жолынан өтті. Бұл уақытта қазақ актрисаларының таланты мен шеберлігі көрерменнің жүрегін жаулап, ұлттық мәдениетіміздің дамуына үлкен үлес қосты. Олардың бірі өз кезеңінің символы болса, енді бірі қазіргі уақытта да ұмытылмайды.

Меруерт Өтекешова 1972 жылы түсірілген "Қыз Жібек" фильмінде басты рөлде ойнаған. Меруерт Өтекешева мен Құман Тастанбеков экранға алып шыққан ғашықтық хикаясы көрермен жүрегінен орын тапты. Ал кейін фильм кейіпкерлері өмірде шаңырақ көтерген.

Торғын Тасыбекова – 1966 жылы түсірілген "Ән қанаты" фильмінде Сәбираның рөлінде ойнаған.

Айта кетейік, бұл Қазақстан киносының алтын қорына енген айшықты образдардың бірі.

Қазақ кинематографының жұлдызы Шолпан Алтайбаева бірнеше рөлі арқылы танымал болып, сұлулықтың символына айналды.

"Ата-бабалар жері", "Ән қанаты", "Тақиялы періште" – актерлік шеберлігімен бұл фильмдердің көркін ашқан.

Данагүл Темірсұлтанова 1986 жылы "Қазақфильм" түсірген "Асу" фильмінен соң танымал жұлдызға айналды. Дарынды актриса Мұхтар Әуезов атындағы театр сахнасында алуан туралы әйел бейнесін сомдады.

Ол бүгінгі таңда да көпшілікке кеңінен таныс. Елімізді таспаланған комедиялық фильмдерде актриса өзінің шеберлігін көрсетуде.

Гүлнара Досматова 1979 жылы түсірілген Абдолла Қарсақбаевтың "Даладағы қуғын" фильмінде Әйгерім рөлінде ойнаған.

Бұл актрисаның өміріндегі алғашқы түсірілімі. Осыдан кейін Гүлнара Досматова "Тоғысқан тағдырлар", "Қара шегіртке" телехикаяларына түсті. Қазіргі таңда актрисаны елімізде түсірілетін комедиялық жанрдағы фильмдерден байқауға болады.

"Қазақ сахнасының Шолпаны" атанған Шолпан Жандарбекова қазақ киносының жарқын жұлдызы, оның есімі қазақ кинематографиясының алтын қорына енген. Ол Оқып жүрген кезінен Қазақ драма театрына қабылданып (1941), сахнаға шыға бастады.

Алғаш ойнаған рөлі – Мұхтар Әуезовтің "Сын сағатта" спектакліндегі Рәш қыз. Жандарбекова өз мансабында түрлі рөлдерде ойнап, әр образды шынайы жеткізе білді. Оның актерлік шеберлігі мен харизмасы экранда ерекше көрініс тапты.

Раиса Мұхамедиярова – қазақ киносы мен театр өнерінің майталманы. Оның актерлік мансабы көптеген жылды қамтыды және ол әртүрлі жанрларда ойнаған. Оның есімі әсіресе "Менің атым Қожа" фильміндегі рөлі арқылы ел есінде қалды.

Мұхамедиярова театр сахнасында да үлкен жетістіктерге жетіп, қазақ өнерінің дамуына зор үлес қосты.

Фарида Шәріпова – көпшіліктің сүйікті актрисасы. Ол қазақ киносы мен театрының тарихында маңызды орын алады. Шәріпова түрлі жанрда, түрлі рөлдерде ойнап, әрбір образды тереңдікпен жеткізе білді. Оның актерлік шеберлігі мен табиғи таланты көрермендерді әрдайым таңғалдырып отырды.

Бұл мақалада қазақ актрисаларының совет кезеңіндегі өнері мен жетістіктері туралы баяндалады. Олардың таланты мен еңбектері қазіргі уақытта да өзекті және маңызды болып қала береді.