18 жастағы бойжеткен "Түркістан аруы-2019" атанды (фото)

"Түркістан аруы-2019" атағын Кентау қаласының намысын қорғаған 18 жастағы Ақниет Сәдуахасова жеңіп алды деп хабарлайды KAZ.NUR.KZ.

Ақниет Қ.Яcауи атындағы ХҚТУ-нің 1-курс студенті. Қазіргі уақытта бастауыш сынып мұғалімі мамандығы бойынша білім алуда.

Оңтүстік өңірінің ең сұлу да парасатты аруы атағын иемдену үшін байқаудың іріктеу кезеңіне 16-25 жас аралығындағы 90 ару қатысқан.

Жүзден суырылып шыққан 15 сұлу қасиетті Түркістан төрінде "Түркістан аруы-2019" атағы үшін бақ сынады.

Сұлулар шығармашылық,  зияткерлік, сән, би, жалпы төрт кезең бойынша сынға түскен.

Жүлделі бірінші орынды түркістандық Мәмеш Жібек жеңіп алса, екінші орын Түркістан қаласынан қатысқан Шәкірбаева Нұршашқа бұйырды.

Үшінші орынға 16 жастағы мектеп оқушысы, Мақтарал ауданының сұлуы Құрбан Жансая лайық деп танылды.

"Түркістан аруы-2019" атанған Ақниет Сәдуахасова келесі жылы республикалық сұлулық сынында Түркістан облысының намысын қорғайтын болады.