"Келісім солай болды": Айжан Байзақова жалған тойы жайлы құпиясын ашты

Осыдан бірнеше күн бұрын ақ көйлік киіп, тұрмысқа шыққан сәтінен көрсетіп, кейін оны жоққа шығарған Айжан Байзақова желідегілерді таңғалдырған болатын. Танымал блогер Бейбіт Әлібековпен сұқбат кезінде ару мұндай қадамға не үшін барғанын айтты деп хабарлайды KAZ.NUR.KZ.

Той алдында бірнеше күн бұрын Байзақова танымал блогер Әлібековпен сұқбаттасу кезінде тойының жай ғана қойылым екенін айтып қойды.

Алайда сұқбат желіге той өткен соң шықты. Айжан белгілі бір жобаны жарнамалау үшін жалған үйлену тойын ұйымдастырғанын жасырмады.

"Иә, бұл той - қойылым. Міне осылай. Мен өтірік айта алмаймын. Бұл жобаның жарнамасы. Ата-анам мен жақындарым, достарым бұл туралы ештеңе білген жоқ. Бәрі шын жүректен құттықтап жатты. Жалған той жайлы тек баламның әкесі мен інім білді", - дейді Байзақова.

Сондай-ақ, блогер жақындары мен достарын алдауға мәжбүр болғаны үшін ұялғанын да жасырмады. Оның сөзінше, ол келісілген шарттарды орындауы керек болған.

"Мұның бәрі тезірек бітсе екен деп тіледім. Мен араласатын блогерлер көмектерін ұсынып, құттықтап жазып жатты. Ал мен өтірік айта алмаймын. Хаттарын лүпілдетіп отыра бердім. Ұялдым. Бірақ мен ештеңе істей алмадым. Маған солай айтылды. Келісім солай болды", - деді ол ағынан жарылып.

Блогер Байзақовадан жүктілік пен жалған тойдан хайп жасаған ұнай ма деп сұраған болатын.

"Енді ұнады дегенде қалай, бұл менің табысым ғой. Бұл - ақша. Маған ақша беріңдер демеймін. Адамдарға бұл қызық. Мәселен мен актрисамын. 14 жасымнан телехикаяларға түсіп жүрдім. Бірақ ешкімге керек емес едім. Ал мына жерде лас хайп жасап бәріне қызық бола қаласың", - деп жауап берді танымал ару.