Top.Mail.Ru

Сайт нұсқасы

ru kz

Зектілері

Мемлекеттік қуыршақ театры Халықаралық фестивальде жүлделі орын иеленді

Опубликовано:

Мемлекеттік қуыршақ театры – республика тарихындағы тұңғыш қуыршақ театры. Қазақ жерінде өткен ғасырдың басында пайда болған қара шаңырақ бүгінде бірнеше буын жастарды тәрбиелеп, балдырғандардың жан-жақты азамат болып қалыптасуына өз үлесін қосып келеді.

Фото: Театрдың баспасөз қызметі
Фото: Театрдың баспасөз қызметі: UGC

84 жылдық тарихы театр таяқ қуыршақтан бастап, бүгінгі заман ағымына сай күрделі марионеткалар, соңғы үлгідегі техникалық-лазерлі көркемдеулермен жабдықталған. Жаңашылдыққа жаны құмар сахнаның бұл саласы, жалпы театр өнеріне жүктелер қоғамдық салмақты тең тұрғыда көтеруде.

Елімізде және шет елде өткен халықаралық, республикалық театр фестивалдерінде биік белестерді бағындырған ұжымның алға қойған бағыты мен бағдары да айқын.

Ол – қазақтың қуыршақ театры өнерін өркендету, кешегі мен бүгінгі өмір арасын өнердің биік шыңы арқылы шынайы көрсете білу.

Фото: Театрдың баспасөз қызметі
Фото: Театрдың баспасөз қызметі: UGC

Осы мақсатта театр ұжымы ағымдағы жылдың 22-30 маусым күндері аралығында Ресейдегі 25-ші рет өтіп жатқан XIV Халықаралық КУКART қуыршақ театр фестиваліне еліміздің атынан қатысып, өнер көрсетті.

Аталмыш фестиваль марионет Евгений Деммен атындағы Санкт-Петербург театрының 100 жылдығына арналды.

Үздіктер бас қосқан өнер ордаларының қатарында Мемлекеттік қуыршақ театрының атынан "АНА ЖҮРЕГІ" (авторы: Е.Ионов, режиссері: А.Зайцев) драмалық қойылымы бақ сынап, фестиваль қорытындысы бойынша "Үздік спектакль" және "ҮздікДІК АКТЕРЛІК АНСАМБЛЬ" номинацияларына ие болды.

Бұл – біздің ұжым үшін зор жетістік. Спектакльдің тақырыбы мен көрерменге берер ойы, мазмұны мен маңызы ерекше. Қаншама ғасыр өтсе де, өмірдің кілтін ұстап тұрған "ана" мен "бала" ұғымы ешқашан құндылығын жоғалтқан емес.

Фото: Театрдың баспасөз қызметі
Фото: Театрдың баспасөз қызметі: UGC

Ана балаға, бала анаға тәуелді. Бірақ, бүгінгі заманда біз бұл түсінікті қалай қабылдаймыз?!. Міне, осы сауалға жауап іздейтін қойылым қуыршақтар бейнесінде тіл қатып, көрерменге ерекше әсер қалдырғаны анық. Қойылымдағы ана ролін актриса Т.Тлеулиева, бала бейнесін Р.Абу сахналады.

КУКART Халықаралық қуыршақ фестивалі 1993 жылдан бері өткізіліп келе жатқан қайырымдылық бағыттағы коммерциялық емес жалғыз фестиваль.

Түрлі елдер мен халықтар арасындағы мәдени көпірге айналған биылғы фестивальде Европаның Швеция, Испания, Германия, Польша, Бельгия, Болгария және ТМД-дан Беларусь, Қазақстан мемлекеттерінің өнер ошақтары өз қойылымдарын фестиваль қатысушылары мен сарапшыларының назарына ұсынды.

Фото: Театрдың баспасөз қызметі
Фото: Театрдың баспасөз қызметі: UGC

Өнер мерекесінің бағдарламасы дәстүрлі үш бағыттан тұрды: негізгі, арнайы және клубтық қойылымдар. Мемлекеттік қуыршақ театрының "Ана жүрегі" қойылымы негізгі бағдарламаға енген.

Театр фестивалінің басты мақсаты – қуыршақ театры өнерінің әлемдік кеңістікте даму жолын сақтай отырып, әр елдің репертуар саясатымен кеңінен танысу, өнер ошақтарының шығармашылық тынысын бағамдау.

Фестиваль аясында негізгі бағдарламадағы 52 қойылымдардың көрсетілімінен тыс фестиваль қатысушыларының арасында дөңгелек үстелдер мен шеберлік сағаттары, т.б. шаралар ұйымдастырылды.

Сондай-ақ, театр ұжымы фестиваль барысында алдағы жылы Болгария Мемлекеті мен Ресейдің Самара қаласында өтетін Халықаралық театр фестивальдеріне шақырту алды.

Фото: Театрдың баспасөз қызметі
Фото: Театрдың баспасөз қызметі: UGC

Мақаланың түпнұсқасы: https://kaz.nur.kz/showbiz/1802657-memlekettik-kuyrsak-teatry-halykaralyk-kukart-festivalinde-zldeli-oryn-ielendi/

pixel