"Кешке жүздесеміз": Отандық танымал тележүргізуші қайта оралды

Бірнеше жыл бойы «Информбюро» тізгінін ұстаған танымал тележүргізуші Мақсат Толықбай экранға қайта оралды деп хабарлайды KAZ.NUR.KZ.

Белгілі диктор тағы да жаңалықтар тізгінін ұстайды. Бірақ бұл жолы ол Еуразия арнасының эфиріне шығады.

«Тікелей эфирден жырақтап кетсем де, жалпы телеарнадан алыстаған жоқпын. Біршама уақыт «Бір сұрақ» ток-шоуын жүргізген болатынмын.

Бірақ жаңалықтар жаныма жақын. Енді күн сайын кешкі уақытта көрермендермен жүздесеміз», - дейді Мақсат Толықбай.