5 млн доллар: Тимур Бекмамбетов Лос-Анджелестен алған үйін көрсетті (фото)

Тимур Бекмамбетов танымал ресейлік видеоблогер Юрий Дудьті Лос-Анджелестегі жекежайына қонаққа шақырып, үйінің қандай екенін көрсетті деп жазады KAZ.NUR.KZ.

Калифорнияда 5 миллион долларға үй сатып алу режиссер үшін жұмыс қажеттілігіне айналды, өйткені ол тек Ресейде ғана емес, Голливудта да өзін таныта бастаған.

Кино маманы алдымен Штатта үйді жалға алып тұрған, кейіннен бұлай жалғаса бермесін түсінген ол өзіне арманындағы үйді сатып алуды шешкен.

Алайда ол ұзақ уақыт бойы өзіне сай үйді таба алмапты. Кездескендердің бірі тым кішкентай, енді бірі үлкен болған.

Дегенмен бір күні оған көмекшісі хабарласып, Уолт Диснейге тиесілі болған үйді қарап көруге кеңес береді.

Бекмамбетов іздегенім сол болар деп ойлағанын, үйді көрген соң жаңылмағанын айтты.

Өткен ғасырдың 30-шы жылдарында салынған екіқабатты жекежай Лос-Анджелестегі ең үздік аудандардың бірінде орналасқан.

Дәл осы жерде Уолт Дисней өзінің атақты мультфильмдерін жасап шығарған.

Режиссер жекежайда бұрынғы қожайынның энергетикасы сақталғанын, өзін ол жерде қонақ ретінде сезінетінін айтты.

Үйде бірнеше жатын бөлме, үлкен ас үй, жұмыс бөлмесі бар. Мэтр бұл жерге жылына бірнеше айға, көбінесе отбасынсыз келеді.