Айқын әкесінің 70 жас мерейтойын дүркіретіп өткізді (фото, видео)

Отандық шоу-бизнес жұлдызы Айқын Төлепберген әкесінің 70 жасқа толуына орай дүбірлі той жасап, ерекше атап өткен. Әнші мерейтойда ет-жақындарымен қоса, өнердегі достарының да басын қосқан деп жазады KAZ.NUR.KZ.

Айқын Төлепберген асқар тау әкесінің туған күнін оңтүстік астананадағы мейрамханалардың бірінде атап өткен. Мерекелік кешке туған-туыстардан бөлек, шоу-бизнес өкілдері де шақырту алған.

Өнер иесінің қуанышына Серік Ибрагимов, Бағлан Әбдірайымов, Мырзахан Маханов, Ердос Қанаев, Жеңісхан Момышев, Медеу Арынбаев, Қайрат Құдайберген, Ғазизхан Шекербеков, Нұржан Тәжікенов, Айдар Тұрғамбек, Әлішер Кәрімов, Нұрболат Абудллин сынды танымал тұлғалар құттықтап барған. Отандық эстраданың бетке ұстарлары дүбірлі тойға өз үлесін қосып, өнерін ортаға паш еткен.

Той иелері мен қонақтар көңілді кештегі суреттер мен видеолармен желіде жарыса бөліскен.

Айқынның өзі болса, аталмыш тойдың ұйымдастыруына ерекше атсалысқан жары Жұлдыз Өмірғалиға Instagram парақшасында жазба арнап, өз алғысын жеткізген.

"Папамның тойына ерекше атсалысқан жаным. Рахмет саған. Бәрі керемет болды" , - деп жазды ол.

Айта кетейік, бұған дейін Айқынның әкесін 70 жасқа толуымен ерекше құттықтағанын жазған болатынбыз. Оған қоса, әнші алғаш рет әкесі жайлы тың мәліметпен бөліскен. Белгілі болғандай, өнер иесінің әкесі де өнерден алыс емес болып шықты.