"Жүрегім белгі берер": Медеу Арынбаевтың екінші рет үйленетіні рас па

Отандық танымал әнші Медеу Арынбаев екінші мәрте отау құру мәселесін көтерді. Осыдан он жыл бұрын келіншегі қайтыс болған өнер иесі бүгінде екі баласын бір өзі тәрбиелеп отыр. Эстрада жұлдызы тағы да үйленуге қарсы емес екенін айтып, болашақ жарына қояр талаптарын тізіп шықты деп жазады KAZ.NUR.KZ "Ревю" бағдарламасына сілтеме жасап.

Медеу Арынбаев сүйіктісінің сырт келбеті өз үшін аса маңызды екенін алға тартты. Әнші әсіресе, қыз-келіншектердің салмағы жіті мән беретінін жеткізді.

"Алла тағала өзі кездестірер. Жүрекке қалау жүрмейді. Жүрегім өзі белгі берер. Өзіммен келбеті жарасымды болу керек шығар. Салмағы менен екі есе артық болмау қажет шығар. Менің марқұм жұбайым Айгүл сондай еді. Мен әуестенетін қыз-келіншектер жоқ емес, бар. Бірақ, олар болмайды" , - деп қысқа қайырды өнер иесі.

Айта кетейік, бұған дейін Медеу Арынбаев Төреғали Төреәліні әнші деп санамайтынын айтып, қоғамда шу тудырған болатын. Өнер иесінің бұл пікірі желіде де қызу талқыланып, кең таралды.

Оған қоса, әртіс өзіне қандай арулар ұнайтынын жасырмай айтты. Ол үшін ғашығының қыпша белді болуы шарт болып шықты.

Ең маңызды әрі қызықты жаңалықтарды біздің Telegram арнамыздан оқыңыздар!