"Жанымдағыларға қиын": Мадина Сәдуақасова мінезінің жаман жақтарын жайып салды

Отандық эстрада жұлдызы Мадина Сәдуақасова мінезі туралы бар шындықты айтты. Әнші көңіл күйі қалыпты емес болғандықтан қасында жүрген адамдарға ауыр тиетінін жасырмады. Өнер иесі өзінің ел білмейтін қырларын тізіп шықты деп жазады KAZ.NUR.KZ.

Мадина Сәдуақасова Instagramпарақшасындағы оқырмандарына ерекше ашылып, өз мінезінің жаман жақтарын жайып салды. Шоу-бизнес жұлдызы құбылмалы көңіл күйі жолдасы екеуінің арақатынасына қалай әсер ететінін де айтты.

"Мадина Садуақасова туралы бәрін білетін сияқтысыз, бірақ сонда да өзім жайлы, өмірім жайлы қысқаша айтып берейін. Мен Алматыда дүниеге келгенмін, атымды әжем Мекке-Мәдине болсын деген, бірақ мамам қысқартып Мәдина деп жаздыртқан. Мектепте ән айтқанмен бірге дзюдо секциясына екі жарым жылдай қатыстым бапкерім Ишанбек аға, мықты болатын.

“ Дегеніңінен қайтпа, еңбектен, жалқау адам жеңіске жетпейді ешқашан, құласаң тұр, жылама, төзімді бол“ деп үйреткен сөздері мамамның айтқанымен спортты тастап кетсем де, өмірілік ұстанымым болып қалды. Мінезім негізі, өте жұмсақ, сезімталмын, адамның дауысы қандай ішкі жан дүниесі де сондай “ дейді ғой, дауысым сол күйі жылдар өтсе де өзгермеген. Қыз дауыс болып қалып қойған, нәзік.

Бірақ мінезімнің жаман жақтары да бар, көңіл күйім лезде өзгеріп кетеді, бір қалыпты емес, жанымдағыларға қиындау ілесіп жүру , кейде, неден өзгеріп кеткенін өзім де түсінбей қалам. Сосын қозғалысты, өзгерістерді, саяхатты сұмдық жақсы көрем. Күйеуім Олжас екеуміз бір бірімізді мінез жағынан болсын , бар жағынан толықтырып тұрамыз. Әнуарда тура өзімнің мінезім де темперамент та, екеуміз үйден шыққысы келмейтін Олжекеңді шет елден бірақ шығарамыз" , - деп жазды ол.

Оған қоса, әнші өнедегі қарбалас жұмысы жайында тоқталып өтті.

"Мен үшін өнерім, әнім ол өмірім! Көбінесе қиялдап, жаңа әндер тыңдап жүрем, оған ақынмен қосылып сөздер реттейміз. Сосын сахналық образ, костюмдер, көйлектерді дизайнерлермен ойластыру, жаңа трендтегі шаш үлгісі, бет әрлеу. Фотосессиялардың ерекше болғанын жақсы көрем, фотограф стилисттармен неше түрлі дүниелер ойлап , іске асырамыз. Басқа әншілермен дуэт жазу, қалай болса да солай емес жарасатын, мәнді, әдемі болса екен деп.

Бейнебаян көп түсірмеймін, білмеймін неге екенін, карантин бітсе, көбірек түсірем деп” өзіме уәде бердім. Сол, мен үнемі ізденісте, музыкада, өзімнің сүйікті ісімен айналысып, өз қиял әлемімде бірақ халықпен бірге жүрген жанмын. Мен жайлы бірдеңе айтып жүрген әңгімелерді естіп қалған да, ренжимін сол сәтте , бірақ,“ Құрысын, айта берсін енді , әр адамның өзінің ойы, пікірі болу керек..” деймін да , уақыт өткен соң, "солай айтты ма?“ деймін. Кешірімдімін 99%" , - деп жазды өнер иесі.

Айта кетейік, бұған дейін Мадина Сәдуақасова карантиннен шаршап, сахналық өмірін қатты сағынып жүргенін айтқан болатын. Ол тіпті үйден шықпай отырғандықтан күйзеліске түсіп, түңіліп кеткенін айтты.

Ең маңызды әрі қызықты жаңалықтарды біздің Instagram парақшамыздан оқыңыздар>