RU

"Жаман ырым": Қара киіммен "оранып алған" Жанар Дұғалова қызу талқыға түсті (фото)

Жанар Дұғалова
Фото: Instagram/zhanar_dugalova

Қазақ эстрадасының жарық жұлдызы Жанар Дұғалова желідегілердің қызу талқысына қалды. Оған өнер иесінің жариялаған соңғы фотолары себеп болған. Суретте әнші қара киіммен "оранып алған" деп жазады KAZ.NUR.KZ.

Жанар Дұғалованың қара түсті киімге оранып алған суреті Instagram желісінде қызу пікірталас тудырды. Әншінің ерекше образына қатысты қалың көпшіліктің пікірі екі түрлі болды.

Бірі оның жабық киініп алғанына тәнті болып жатса, енді бірі керісінше оны сынның астына алған.

"Мына қызға не болған? Қазақта жоқ, жаман ырымды бастап, қап-қара киініп" , "Неге қара жамылып алғансыз? Кімнен үлгі алып жүрсіз?", "Жанар қара киім кимеші" , "Сізге не де болса жарасады" , "Ерекше образ екен. Сізге күші жарасып тұр" , "Жанарды мұндай киіммен көрмеппін. Бірақ, жарасып-ақ тұрғандай" , "Жабық киіне бастағаныңыз қуантып тұр" , "Кімге еліктеп жүрсіз", - деп жазуда желі қолданушылары.

Сонымен қатар, қалың көпшілік Жанар Дұғалованы тағы бір жайт үшін сынап тастады. Олар әншінің ерні үлкейіп кеткенін аңғарып, оған жағымсыз пікірлерін жаудырды. Халықтың сөзінше, өнер иесі ернін шамадан тыс ісіріп жіберген.

"Қарап отырсаң қазырғы кезде бәрінің түрі бір біріне ұқсап бара жатыр. Әсіресе әншілер еріндері дүрдиіп,көздері блефаропластика", "Ерніңізді қатты ісіртіп алыпсыз" , "Өз ерніңіз әдемі еді ғой, ісіртіп құртып қойыпсыз", "Ерніңіз ботокс па? Тым үлкен көрінеді" , "Өз сұлулығын өзі құртып жүр" , - деп жазды олар.

Мақаланың түпнұсқасы: https://kaz.nur.kz/showbiz/1898435-zaman-yrym-qara-kiimmen-oranyp-algan-zanar-dugalova-qyzu-talqyga-tusti-foto/