Актриса Гүлназ Жоланованың ұзатылғаны рас па (фото)

Желіде актриса Гүлназ Жоланованың басына ақ орамал тартып түскен суреттері тарап кетті. Мадина Сәдуақасова өнердегі сіңлісін ұзатқанын хабарлады деп жазады KAZ.NUR.KZ.

Қазақ эстрадасының жарық жұлдызы Мадина Сәдуақасованың Instagram парақшасында жариялаған суреті елдің қызу талқысын тудырды.

Фотода өнер иесінің актриса Гүлназ Жолановамен отырғанын көруге болады. Киножұлдыз басына ақ орамал тартып алған. Оған қоса, Сәдуақасова аталмыш суреттің астына өнердегі сіңлісін ұзатқанын жазып қойған.

Желі қолданушылары бұл жаңалыққа сеніп, бірден Жолановаға өз ақ тілектерін жаудырды.

"Бақытты болсын. Өте тамаша актриса" , "Бағы ашылсын. Құтты болсын" , "Керемет жаңалық. Гүлназ бақытты бол. Сен оған лайықсың" , "Жолдасы кім екен?" , "Таңдауы кімге түсті екен" , "Жақсы жар, аяулы ана атануыңа тілектеспіз", "Бұл қыздың тұрмыс құрғанын екі жыл бұрын естіген едім. Түсінбей жатырмын" , "Ақ орамал қалай жарасады. Отбасылық өмірің де осы орамалдай әппақ болсын" , "Барған жеріңізді бақытты етіңіз" , - деп өз құттықтауын білдірді қалың көпшілік.

Алайда, Мадина Сәдуақасова бөліскен видеодан кейін Жоланованың шын мәнінде ұзатылмағаны белгілі болды. Актриса тек сахналық қойылым кезінде қалыңдықтың рөлін сомдаған болып шықты.

Дегенмен желідегілер өнер иесіне жұғысты болып, көп ұзамай отбасын құруын тіледі.