Top.Mail.Ru

Сайт нұсқасы

ru kz

Зектілері

"Ұлды болды": Әбдіжаппар Әлқожаның төртінші перзенті дүниеге келді

Опубликовано:

Әбдіжаппар Әлқожа домбырамен
Фото: Instagram/abdizhappar_alkozha

Қазақ эстрадасының жарық жұлдызы Әбдіжаппар Әлқожа тағы да әке атанды. Өнер иесінің жары оған ұл бала сыйлаған деп жазады KAZ.NUR.KZ.

Қуанышты хабарды әншінің жақын досы Әділет Байнашев жеткізді. Ол Instagram парақшасында қалың көпшіліктен сүйінші сұрап, жаңа туған нәрестеге "кіндік әке" болғанын хабарлады.

"Құрметті ағайын, сүйінші. Бүгін ұлды болып жатырмыз! Әбдіжаппарды емес, мені құттықтай берсеңіздер болады. Әкесі мен! Әбдіжаппар досым осыдан бірнеше ай бұрын, “достығымыз бұданда қатты нығыздалып, дос болайық” деген ниетпен келіншегім екеумізді дүниеге келетін болашақ ұлының “кіндік әкесі мен кіндік шешесі” етіп бекіткен болатын.
Сол күнге де жеттік, Аллаға сансыз шүкір! Бұл шынайы достықты әрі қарай бауырластыққа жетелейтін үлкен мәні зор, мағынасы үлкен дәстүр деп ойлаймын. Достығымыз ақыреттік болсын, бауырым! Дүниеге келген кішкентай өзіңнен асып түсер алып тұлға болсын! Бір-бірімізді көтеріп, әрдайым демеп жүре берейік" , - деп жазды ол.

Желі қолданушылары бірден Әбдіжаппар Әлқожаны құттықтауға кіріскен. Олар жаңа туған сәбиге өз ақ тілектерін жолдады.

Кейбір желі қолданушылары өнер иесінің отбасылы екенінен бейхабар болып шықты. Олар өнер иесінің төрт баласы бар екенін білгенде қатты таңғалған.

Айта кетейік, Әбдіжаппар Әлқожа отбасылық өмірін барынша жасырын ұстауға тырысатын жұлдыздар қатарына жатады. Шоу-бизнес өкілі әлеуметтік желіде келіншегі мен бала-шағасымен түскен суреттермен көп бөлісе бермейді.

Мақаланың түпнұсқасы: https://kaz.nur.kz/showbiz/1904566-uldy-boldy-abdizappar-alqozanyn-tortinsi-perzenti-duniege-keldi/