Мақпал Исабекова тұрмысқа шықты (фото)
Опубликовано:
![Мақпал Исабекованың некесін қиып жатқан сәті Мақпал Исабекованың некесін қиып жатқан сәті](https://cdn.nur.kz/images/1120x630/3980a1fadd940cb4.jpeg)
Отандық танымал әнші Мақпал Исабекова тұрмысқа шықты. Бұл туралы өнер иесі өзінің Instagram парақшасында хабарлады деп жазады KAZ.NUR.KZ.
Шоу-бизнес жұлдызы бұл қуанышты жаңалығымен бірден өз жанкүйерлерімен бөліскен. Қос ғашық діни жолмен мешітте некелерін қидырып, желіде бақытты сәтінен фото жариялаған.
"Бүгін, Алла қалауымен қасиетті Рамазан айында біз ерлі-зайыпты атандық. Достар ізгі тілектеріңіз бен құттықтауларыңыз үшін алғыс айтамыз", - деп жазды әнші.
Желі қолданушылары Мақпал Исабекованың таңдауы кімге түскенін біле алмай әлі де әлек болуда. Алайда, өнер иесі жолдасы туралы мәліметтермен бөліспейтінін айтқан болатын.
![Мақпал Исабекова жолдасымен Мақпал Исабекова жолдасымен](https://cdn.nur.kz/images/1120/d950008ced537c5f.jpeg)
Қалың көпшілік жас жұбайларды құттықтап, өз ақ тілектерін жаудырды.
"Құттықтаумыз. Бақыттарың баянды болсын Үлкен отбасы болыңдар", "Шексіз бақыт тілеймін", "Мақпал бұл күн де келіп жетті-ау. Бақытты бол", "Бір жастықта қартаюды нәсіп етсін", "Махаббаттарың шексіз болсын", - деп жазуда халық.
![Макпал Исабекова Макпал Исабекова](https://cdn.nur.kz/images/1120/f2563f2855453b8c.jpeg)
Мақаланың түпнұсқасы: https://kaz.nur.kz/showbiz/1911544-maqpal-isabekova-turmysqa-syqty-foto/