Актриса Жанель Мақажан мешітте некесін қидырды (фото)

Отандық танымал актриса Жанель Мақажан мен оның сүйіктісі Абай Асылханұлы мешітте шариғат бойынша некелерін қидырды. Өнер иесі өміріндегі аса әсерлі сәтімен Instagram желісінде бөліскен деп жазады KAZ.NUR.KZ.

Жанель Мақажан қуанышты хабарын өзінің жеке парақшасында жеткізген. Актриса жолдасы екеуінің мешіт алдындағы суретін жариялап, қалың көпшілікке некесін қидырғанын хабарлады.

"Ұлы Аллаһ Тағаланың атымен бастау алған некеміз құтты болғай! Мен сені Аллаһ разылығы үшін жақсы көрем! Құттықтауларыңызды жаудыра берсеңіздер болады", - деп жазып қойған өнер иесі.

Желі қолданушылары қос ғашық үшін аса қатты қуанып, өз құттықтауларын жаудырды. Олар отбасын құрған Жанель мен Абайға ақ тілектерін жолдап, жылы лебіздерін білдірді.

"Бақытты болыңдар. Махаббаттарың баянды болсын", "Барлық актрисалар бірінен соң бірі кетіп жатыр", "Бағың ашылсын", "Сендер үшін аса қатты қуаныштымын", "Бақытты күндерің көп болғай", "Бар жақсылық тілеймін", - деп жазуда желідегілер.

Айта кетейік, Жанель Мақажан үшін бұл екінші неке болмақ. Бірінші жолдасынан актрисаның екі баласы бар.

Оған қоса, өнер иесінің таңдауына іліккен Абай Асылханұлы өзінен сегіз жас кіші болып табылады.