RU

"Жақынымызды жоғалтып қайғы жамылдық": Ләйлә Сұлтанқызы қаралы хабар жеткізді

Ләйлә Сұлтанқызы
Фото: Instagram/sultankyzy

Отандық танымал тележүргізуші Ләйлә Сұлтанқызының отбасында қайғылы жағдай орын алды. Ақпарат өкілі жақынынан айырылып қалғанын хабарлады деп жазады KAZ.NUR.KZ.

Ләйлә Сұлтанқызы қаралы хабарды Instagram парақшасында жеткізді. Ол аса жантебірентерлік жазба жариялап, көпшілікке бір-бірін дер кезінде бағалау керектігін айтты.

"Кеше көңіл-күйім жабырқаулы болды. Қызықтарыммен бөліскім келген. Ажал айтып келмейді ғой. Жақынымызды жоғалтып қайғы жамылдық. Тірі күнімізде бір-бірімізді бағалайық. Бес күн жалған өмірде сыйласқанға не жетсін?! Әр атқан таңымыз үшін шүкір етейік. Кейде шаршасам, өзімді қамшылаймын, бұл күнге жеткен де жетпеген де бар деп. Бастысы басымыз аман болсын! Ойдағы-қырдағы туған-туыс, дос-жаран аман болсын! Сіздер де аман болыңыздар, оқырмандарым", - деп жазды тележүргізуші.

Желі қолданушылары ақпарат өкіліне көңіл айтып, оған барынша қолдау көрсеткен.

Мақаланың түпнұсқасы: https://kaz.nur.kz/showbiz/1920398-zaqynymyzdy-zogaltyp-qaigy-zamyldyq-laila-sultanqyzy-qaraly-xabar-zetkizdi/