RU

"Жақын адамым сыйлады": Луинаға Cadillac Escalade көлігін сыйға тартты (видео)

Әнші Луина11
Фото: instagram.com/luinaofficial

Отандық әнші Луина Instagram желісінде өзіне тарту етілген Cadillac Escalade көлігін көрсетті. Айтуынша, мұндай тосынсыйды жақын адамы жасаған, деп жазады KAZ.NUR.KZ тілшісі.

"Міне, осылай, күтпеген жерден көлікті болуға болады екен", - дейді әнші.

Айта кету керек, Cadillac Escalade көлігінің нарықтағы құны 60 миллион теңгеден басталады.

Еске сала кетсек, бұған дейін әнші Алтынай Жорабаеваға жары Infiniti көлігін сыйға тартқанын жазған едік.

Өнер иесі көліктің суретін әлеуметтік желідегі парақшасында жариялап, күйеуінің өзіне деген ыстық ықыласы туралы жазды.

Одан бөлек, әнші Айқын жұбайы Жұлдыз Өмірғалиға "Gelandewagen" көлігін сыйлаған еді. Неміс темір тұлпарының бағасы 15 миллион теңгеден басталады.

Отандық журналист Нұрсейіт Жылқышыбай да бірнеше апта бұрын 22 миллион теңгенің көлігін сыйға алған болатын. Оған бағалы сыйды отандық кәсіпкерлердің бірі жасаған.

Мақаланың түпнұсқасы: https://kaz.nur.kz/showbiz/1932109-zaqyn-adamym-syilady-luinaga-cadillac-escalade-koligin-syiga-tartty-video/