Динара Сұлтанның өзінен 17 жас үлкен күйеуі лауазымды қызметке тағайындалды

Әнші Динара Сұлтанның күйеуі Ерлан Қожасбай лауазымды қызметке тағайындалды деп хабарлайды KAZ.NUR.KZ.

Ерлан Қожасбай Қазақстан грек-рим, еркін және әйелдер күресі федерациясының президенті болып тағайындалды.

Мұндай шешім ұлттық федерацияның кезектен тыс Конфедерациясында қабылданған.

Ол осыған дейін аталған ұйымның вице-президенті қызметін атқарған болатын. Сондай-ақ, Қожасбай 2001-2005 жылдары федерацияның басшысы қызметінде болған.

Ал күрес федерациясының бұрынғы президенті Сауат Мыңбаев ұйымның құрметті президенті болып тағайындалды.

Айта кетелік, Ерлан Қожасбай мен Динара Сұлтан «Екі жұлдыз» телевизиялық жобасында танысып, көңіл қосқан. Біраз жылдар бойы олар Біріккен Араб Әмірліктерінің Дубай қаласында тұрды. Екеуінің ортақ бес баласы бар. Одан бөлек, Динараның бірінші некесінен бір қызы бар екені айтылады.

Ал Ерлан Қожасбайдың бірінші некесі туралы айтарлықтай ақпарат жоқ.

Динара Сұлтанның күйеуі өзінен 17 жас үлкен. Екеуі арада он жыл өткен соң қарым-қатынастарын заңдастырып, Ерлан Қожасбай Динараға үйлену туралы ұсыныс жасаған.