Top.Mail.Ru

Сайт нұсқасы

ru kz

Зектілері

Досхан Жолжақсыновтың жұбайы өзінен 16 жас үлкен актерге қалай ғашық болғанын айтты

Опубликовано:

Қарагөз Сүлейменова
Қарагөз Сүлейменова жары Досханмен. Фото: instagram.com/karagozsuleimenova/

Танымал актер Досхан Жолжақсыновтың жұбайы Қарагөз Сүлейменова өзінің отбасылық өмірі мен жолдасымен таныстығы туралы әңгімелеп берді. "Түркістан" газетіне берген сұқбатында ол өзінен 16 жас үлкен актерге қалай ғашық болғанын баяндады.

Қарагөз Сүлейменованың айтуынша, алғаш рет жары Досхан Жолжақсыновты 12 жасында қоғамдық көлік ішінен көрген. Танымал актердің болмысына ол сол кезде-ақ назар аударыпты.

"Шынымды айтсам, мен Досекеңді алғаш рет он екі жасымда көрдім. Үнемі мек­тептен шыққан соң №5 троллейбуспен үйге қайтамын. Күнде көріп, күнде жүретін көшем болса да, терезеден даланы қызықтап, тел­міре­мін де отырамын.

Бірде есіктен үстін­де ұзын қара плащы бар, басындағы қалпағы ерек­ше жарасып, өзім кинодан ғана көрген актер кіріп келе жатты. Сол жылдары, яғни 1977 жылы шыққан "Бандыны қуған Хамит" ел арасында жағымды пікір қалыптастыра бастаған-ды. Көзім жыпылықтап, тірі актер көр­геніме іштей қуанып, сол жаққа қарай бере­мін.

Әрине, ол мені байқаған да жоқ, тіпті мен жаққа көз де салмады. Ішімнен "үй­ленген болар, бәлкім балалары да бар шы­ғар" деген бір ой жылт ете қалды. Кейін ойлаймын ғой, қазақ "Он үште отау иесі" де­генді бекер айтпаған-ау, қыз бала бойжете бас­тағанда оның бойында да, ойында да әйел­ге тән қасиеттер пайда бола бастайды екен. Содан ол театрдың алдындағы аялда­ма­дан түсті, ізінен мен де түстім.

Өйткені біз­дің үй Мәметова көшесінің, яғни жастар теа­т­рының артында. Аялдамадан бірге түстік. Ол алда, мен артта, оның басқан ізін санап, қа­да­мым жетпесе де, соңынан ілесіп келемін. Қыз­меткерлер кіретін есіктен сұлбасын ұза­тып салып, сылбыр басып үйге беттедім", - деп әңгімеледі ол.

Актердің жұбайы бой жете келе, театр және көркем сурет институтының режиссерлік факультетіне оқуға түскен. Досхан Жолжақсыновпен бірнеше мәрте түсірілім алаңында кездесіп қалып жүрген. Актер де қазақы тәрбиеленген, сұлу бойжеткенге бірден назар аударыпты. Өзара сыйластық үлкен махаббатқа ұласып, олар шаңырақ көтерген.

Айта кету керек, Қарагөз Сүлейменоваға дейін Досхан Жолжақсыновтың отбасы мен бір ұлы болған. Қазіргі таңда бірінші әйелінен туған Біржан есімді ұлын актер үйлендіріп, бөлек шығарған.

Актердің жұбайы жолдасының үйленіп, ажырасып кеткенін әу баста-ақ білген. Дегенмен, оның неліктен ажырасқанын қазбалап, сырын ашуға тырыспағанын айтады.

"Қыз бен жігіт болып ұзақ уақыт жүр­месек те, сағынып кездескен кездерім әлі есімде. Қол ұстасып қыдырған кештердің бірінде: "Әйеліңізбен неге ажырастыңыз?" деп сұрадым. "Біреумен көріп қалдым" деді. Өті­рігі, не шыны екенін ажырата алмадым. Одан әрі маған да ештеңе керек емес еді. Өйткені маған дейінгі ғұмыр, тірлігіне оның да, өзімнің де бас қатырғым келмеді. Осылай тағдырымыз тоғысып, бас қостық, шаңырақ кө­тердік.

Ол кезде мен жиырма бір, ал Досе­кем отыз жеті жаста еді. Ойлап отырсам, жа­­рықтық әжем айтпақшы, жап-жас, бала екен ғой. Қазір ол орта жас, елдің сол жастағы ба­лалары әлі күнге үйленбей, сұрбойдақ бо­лып жүр", - деп еске алады Қарагөз Сүлейменова.

Еске салсақ, жуырда Досхан Жолжақсынов 70 жасқа толып, өзінің мерейтойын атап өтті. Туған күніне орай, актерге өнердегі ерен еңбегі үшін "Отан" ордені табысталған.

Жолдасының мәртебесін көтеріп, ұдайы мақтауын асырып отыратын Қарагөз Сүлейменова бұл сұқбатында да Жолжақсыновтың ер азаматқа тән қасиеттеріне тоқтала кетті. Мәселен, актер екі ұлына еш уақытта дауыс көтеріп, жекіп көрмеген екен.

"Күйеу деген түсінік бір бөлек, әке де бір бө­лек, ата деген де бөлек, ал азамат деген тү­сінік бір бөлек, білген адамға оның жиын­тығы – тұлға! Ал Досекеңдей халықтың ықы­­­ласына, құрметіне, махаббатына бөленіп, өнер­дің биік белестерін бағындырған азамат, ол енді тұлға ғана емес, бекзаттықтың үлгісі, тәлімі. Дегдар адам. Сондықтан болар, ол өте мейірімді, балажан. Олармен санасып, ақыл­дасып отырады.

Біржан мен Бекзатты баласы емес, жақын досындай пікірлес, сырлас көре­ді. Артық қимылын көрсе, дауыс көтермей-ақ, түсінісіп жатады. Жекіп, ұрысып жататын сәт­­тері сирек. Біржанды он төрт жыл бірге тұрып, үйлендіріп, бөлек шығардық. Төрт не­мереміз бар. Ал Бекзаттан бір немере, алты жас­та. Қызымыз Ділдәні ерекше жақсы көре­ді, еркелетеді. Биыл Мәскеу мемлекеттік ха­лық­аралық-экономикалық институтына түс­ті", - дейді ол.

Сұқбаттасқан Таңсұлу Алдабергенқызы

Мақаланың түпнұсқасы: https://kaz.nur.kz/showbiz/1938176-dosxan-zolzaqsynovtyn-zubaiy-ozinen-16-zas-ulken-akterge-qalai-gasyq-bolganyn-aitty/

pixel