RU

"Күйеуін көрсетіп қойды": Исабекованың тойда отырған сәтін түсірген Еркенің видеосы қызу талқыға түсті

Мақпал Исабекова күйеуімен
Видеодан кадр: Instagram/erke_esmahan

Отандық танымал әнші Мақпал Исабекованың жолдасы болуы мүмкін азаматты өнердегі әріптесі Ерке Есмахан видеоға түсіріп алып, желіде жариялаған деп жазады KAZ.NUR.KZ.

Күні кеше актриса Жәния Джуринскаяның үйлену тойы дүркіреп өтті. Мерекелік шараға бірқатар өнер жұлдыздары келген. Олардың арасында Ерке Есмахан мен Мақпал Исабекова да болған.

Тойда қос ару бір үстелде отырған. Еркенің ғашығын күллі Қазақстан танып білсе, Исабекова жолдасын әлі күнге дейін ешкімге көрсетпей жүр. Алайда, оның өнердегі әріптесі абайсызда той барысын түсіремін деп, Мақпалдың күйеуі болуы мүмкін азаматты көрсетіп қойған.

Аталмыш бейнежазба бірден желіде тарап кетіп, елдің қызу талқысына ие болды.

"Күйеуі әдемі жігіт екен. Меніңше, ұйғыр немесе түрік", "Бақытты болсын. Өте жарасымды жұп екен", "Ерке байқамай көрсетіп қойды. Мақпал ашуланған болар", "Махаббаттарың баянды болсын", "Сымбатты жігіт екен. Мақпалдың бағы бар екен", - деп жазуда көпшілік.

Мақаланың түпнұсқасы: https://kaz.nur.kz/showbiz/1938359-erke-esmaxan-maqpal-isabekovanyn-kuieuin-korsetip-qoidy-video/