Top.Mail.Ru

Сайт нұсқасы

ru kz

Зектілері

"Танысатын сәт келді": Ернар Айдар алғаш рет көпшілікке отбасын көрсетті (фото)

Опубликовано:

Ернар Айдар отбасымен
Фото: Instagram/ernaraidar_kz

Қазақстандық шоу-бизнес жұлдызы Ернар Айдар өз жанұясын көпшілікке таныстырды. Әнші алғаш рет халыққа жары мен қос қызын көрсетті, деп жазады KAZ.NUR.KZ тілшісі.

Ернар Айдар Instagram парақшасында бұрын-соңды жарияламаған отбасылық суреттерімен бөлісіп, елді сүйсінтті. Жеке өмірін барынша жасырын ұстайтын әнші бұл жолы жанұясын көпшілікке көрсетуді жөн көрген.

Белгілі болғандай, эстрада жұлдызының екі қызы бар екен. Үлкені - Айшолпан, ал кішісі - Айым. Әртістің жарының есімі - Мәдина.

"Алланың қалауымен, таныстыратын сәт келген сияқты. Бұл менің отбасым, Аллаға шүкір. Жан жарым, махаббатым - Мәдина. Үлкені, әжесінің қызы - Айшолпан екі жастан асты. Кішкентайымыз - Айым. Ол бір жасқа толды.
Ардақты ағайын, көпшілігіңізге белгілі былтырғы жылы тура Мейрамбек ағамның туған күні - 7 қарашада Айым қызымыз дүниеге келіп, Мейрамбек ағам мен Мархабат жеңгем кіндік ата-анасы болып қатты қуантып еді. Аллаға шүкір, Айым қызымыз бір жасқа толып, ақ тілектерін тыңдау мақсатында кішігірім ағайын-туыс, аға, дос-бауырлардың басын қосқан болатынбыз.
Өздеріңіз көріп-біліп отырғандай, Мейрамбек ағам ақ батасын беріп, Мархабат жеңгем тұсауын кесіп берді", - деп жазды Ернар Айдар.

Мақаланың түпнұсқасы: https://kaz.nur.kz/showbiz/1941643-tanysatyn-sat-keldi-ernar-aidar-algas-kopsilikke-otbasyn-korsetti-foto/

pixel