RU

"Ұрып жібермесін": Дариға Бадықова ел алдында Жұлдыз Өмірғалиге ұрсып тастады (видео)

Дариға Бадықова
Фото: Instagram/dariga_badykova

Отандық танымал актриса Дариға Бадықова көпшіліктің көзінше Жұлдыз Өмірғалиге ұрсып тастады. Желі қолданушылары ашуға булыққан өнер иесінің әрекетін сынға алған, деп жазады KAZ.NUR.KZ тілшісі.

Дариға Бадықова мен Жұлдыз Өмірғалидің видеосы Instagram желісіндегі пабликтерде тарап кеткен. Бейнежазбада актриса өзін рұқсатсыз түсірген Айқынның келіншегіне ұрсып тастады.

"Түсірмеші мені", - деп кесіп айтты Бадықова.

Ал Жұлдыз Өмірғали оған жауап қайтармай, түсірілімді аяқтаған.

Желі қолданушылары бұл видеоны көріп, талқыға салды. Бірі - актрисаның "жұлдыз" ауруына шалдықты деп сөксе, енді бірі бұл жайтты арзан хайпқа теңеді.

Кейбір оқырмандар біреуді рұқсатсыз түсіруге болмайтынын алға тартып, Жұлдыз Өмірғалиді де сынап тастаған.

"Жұлдыз ауруымен ауырып қалыпты ғой Дариға", "Осы әйелдің әрбір ісі хит болатын болды ғой", "Дариға апай күшті кісі, мықты актриса", "Сахнаға шықпай жатып, образға кіріп жатқан шығар апамыз", "Дұрыс, рұқсатсыз жырбыңдап неге түсіреді", "Әзіл ретінде түсірген ғой, кім сеніп тұр", "Мұндайға ешкімді сендіре алмайды", "Байқашы ұрып жібермесін сені", – деп жазды желідегілер. 

Мақаланың түпнұсқасы: https://kaz.nur.kz/showbiz/1943521-uryp-zibermesin-dariga-badyqova-el-aldynda-zuldyz-omirgalige-ursyp-tastady-video/