RU

"Жолымыз ажырады": Ерке Есмахан сүйіктісімен айырылысып кеткенін растады

Азамат Зенкаев пен Ерке Есмахан
Видеодан кадр: Instagram/xciii.ix.xxviii

Отандық танымал әнші Ерке Есмахан ғашығы Азамат Зенкаевпен айырылысып кеткенін хабарлады. Эстрада жұлдызының сөзінше, бұл ортақ шешім емес. Ол қарым-қатынасты өзі тоқтатып тастаған, деп жазады KAZ.NUR.KZ.

Ерке Есмахан жеке өміріндегі жаңалықтарын өзінің Instagram парақшасында жария еткен. Өнер иесі сұрақ-жауап барысында AZ-мен екі бөлек кеткендерін растады.

"Жолымыз ажырады. Екі бөлек кеттік. Бұл ортақ шешім емес. Бұл менің қалауым болды. Енді алдағы уақытта бір Алланың еншісінде. Тек жақсылық болсын", - деп қысқа қайырды әнші.

Бұл хабарды естіген көпшілік шоу-бизнес жұлдызынан айырылысуының себебін сұрап білмек болды. Алайда, Ерке Есмахан бұл жайында тіс жармайтынын кесіп айтты.

"Ол көзге шөп салатын адам емес. Себебін айтпаймын. Сұрамаңыздар", - деп жауап берді ол.
Ерке Есмаханның Stories-і
Скриншот: Instagram/erke_esmahan

Мақаланың түпнұсқасы: https://kaz.nur.kz/showbiz/1943636-zolymyz-azyrady-erke-esmaxan-suiiktisimen-aiyrylysyp-ketkenin-rastady/