"Қызды болды": Айсәуле Бақытбек алғаш рет ана атанды

Отандық танымал блогер Айсәуле Бақытбек алғаш рет ана атанды. Желі жұлдызы сүйіктісіне қыз бала сыйлаған, деп жазады KAZ.NUR.KZ.

Сүйінші хабарды Айсәуле Бақытбектің бөлесі Аша Матай жеткізген. Ол жас ата-ананы құттықтап, қалың көпшілікке қуанышты жаңалықты жария етті.

Сонымен қатар, жаңа туған нәрестенің нағашы әжесі Баян Алагөзова да желіде жазбасын бөліскен.

"Бүгінгі түн ұзақ болды. Менің қызым ана атанды. Бізде сұлу қыз дүниеге келді. Анасы да, қызы да өздерін жақсы сезінуде. Біз бақыттымыз", - деп жазды продюсер.

Желі қолданушылары бұл хабарға қатты қуанып, жас жұбайларды құттықтауға кірісті.

Мәтіннен қате тапсаңыз, бізге жазыңыз