"Өмірден өтіп кеткен": Тамара Асар енесі туралы жазды

Өткен жылы тұрмысқа шығып, ана атанған Тамара Асар өзіне отбасы мен жеке өмірі туралы қойылатын сұрақтарға барынша шынайы жауап беруге тырысып жатыр. Бұған дейін күйеуінің бауырлары мен ұлы жайында айтқан әнші бұл жолы енесі турасында сөз қозғады, деп жазады KAZ.NUR.KZ.

Тамара Асар өз жанұясына қатысты сұрақтарға Instagram парақшасының Stories бөлімінде жауап берген.

"Енем өмірден өтіп кеткен. Иманы саламат болсын", - деп қысқа қайырды Асар. 

Сонымен қатар, өнер иесі желіде абысындар татулығына қатысты пікір білдірді.

"Бұл тақырып жер бітіп, су аққалы басталған. Мұның нақты әрі қысқа жауабы жоқтың қасы. Бәрі дәл сол ара-қатынас жағдайына, түсінік пен тәрбиеге байланысты өрбиді ғой. Өз тәжірибемнен жазайын: ақылмен кішірейе білген кісі, кішірейткісі келетіндерден де биік бола алады", - деді.