"Жанымызды шүберекке түйіп отырмыз": Ақбота Керімбекова Саят Медеуовке сауығып кетуін тіледі

Опубликовано:

Ақбота Керімбекова
Фото: Instagram/botakerim

Қазақстандық шоу-бизнес жұлдызы Ақбота Керімбекова өнердегі әріптесі Саят Медеуовтің жол апатына түскенін хабарлап, оның тез сауығып кетуін тіледі, деп жазады KAZ.NUR.KZ.

Өнер иесі бұл туралы өзінің Instagram парақшасында жазған. Ол Саят Медеуовтың қазіргі уақытта қиын жағдайда екенін айтты.

Әнші барша халықтан өнер жұлдызы үшін дұғада болуын сұрады.

"Саят ұлдарыңыз жол апатына түсіп, ауыр жарақаттанып, жанымызды шүберекке түйіп отырмыз. Алладан амандығын тілеп қойыңыздаршы ағайын", - деп жазды ол.
Ақбота Керімбекованың Stories-і
Скриншот: Instagram/botakerim

Айта кетейік, бұған дейін Саят Медеуовтың жол апатына түсіп, жансақтау бөлімінде жатқанын белгілі композитор Ербол Спаналиев хабарлаған болатын.

Мақаланың түпнұсқасы: https://kaz.nur.kz/showbiz/1958370-zanymyzdy-suberekke-tuiip-otyrmyz-aqbota-kerimbekova-sayat-medeuovke-zazba-arnady/